Trygd á teldupostinum

I dag er teldupostar eitt tað mest nýtta samskiftisamboðið í heiminum, og tí er trygdin á teldupostinum alsamt meira týðandi. Fyritøkur og stovnar eru í vanda fyri álopum sum phishing og spoofing, har óviðkomandi gera seg inn á títt økisnavn og teldupost adressur.
Tað kann til dømis vera onkur, sum sendur teldupostar við tínum økisnavni og rykkir eftir gjaldi, ella útgevur seg at vera stjórin og biður um eina skjóta flyting.

Tú kanst verja teg ímóti slíkum við trygdarloysnum frá KT húsinum, har vit arbeiða við mannagongdum so sum SPF, DKIM og DMARC.
Hesir trygdarstandardar arbeiða saman fyri at tryggja, at teldupostar ið verða sendir frá tínum økisnavni veruliga koma frá einari góðkendari keldu, og tí ikki endar í spam hjá móttakaranum.

Í hesari greinini fært tú innlit í hvat SPF, DKIM og DMARC er, hvussu tað riggar, og hvussu tað kann hjálpa tær við at verja títt økisnavn og tínar teldupostar ímóti álopum.

SPF (Sender Policy Framwork)
SPF er ein trygdarloysn til teldupostar, sum ásetur hvør hevur loyvi at senda teldpost vegna títt økisnavn. Loysnin forðar fyri, at óviðkomandi kunnu “spoofa” (broyta sendara-upplýsingar) við at tryggja og fylgja við, at bert góðkendar IP-adressur kunnu senda teldupost frá tínum økisnavni.
Við SPF tryggjar tú, at bert góðkendar keldur kunnu senda teldupost vegna títt økisnavn, og hetta minkar eisini um vandan fyri at veruligir teldupostar frá tínum økisnavni verða flokkaðir sum spam.

DKIM (DomainKeys Identified Mail)
DKIM er ein loysn, sum leggur ein talgildan signatur á tínar teldupostar. Hesin signatururin váttar, at tú ert tann tú sigur teg vera.
Signatururin verður settur inn á teldupostin við einum talgildum lykili, sum teldupost skipanin hjá móttakaranum kann lesa og samanbera við tín servara. UM DKIM-signatururin samsvarar, verður telduposturin góðkendur sum álítandi og tí er meira sannlíkt at telduposturin kemur fram til móttakaran og ikki endar í spam.

DMARC (Domain-based Message Authentication, Reporting & Conformance)
DMARC byggir á SPF og DKIM fyri at tryggja og eftirkanna sendara adressuna í teldupostinum, og gevur tær eitt greitt yvirlit yvir, hvørjir teldupostar vera sendir og móttiknir á tínum økisnavni.
DMARC kann geva tær eitt samlað yvirlit yvir góðkendar sendarar og eisini upplýsa um, hvussu teldupostar, sum ikki klára góðkenningina, vera viðfarnir. Frágreiðingin eru tó í XML-formati, sum kann vera torført at lesa og greina, og tí er tað gott at hava eina loysn sum Easydmarc, sum greinar frágreiðingina og vísur hana so at øll kunnu skilja tað.

Ein Loysn frá KT Húsinum

Við tænastuni hjá KT Húsinum seta vit tínar SPF, DKIM og DMARC mannagongdir upp og vit gera DMARC frágreiðingar sjónligar á ein lættan og skipaðan hátt.

• Ein samlaðan lista av góðkendum sendarum.
• Greið kanningarúrslit.
• Innlit í, hvussu ótryggir teldupostar verða viðfarnir.
• Feilfinna hví veruligir teldupostar ikki koma fram
• Forðing fyri óviðkomandi IP-adressum at brúka títt økisnavn

Við hesari uppsettan kanst tú tryggja, at tínir teldupostar røkka móttakarunum uttan at enda í spam og verjir títt økisnavn ímóti phishing álopum.

Kanna títt økisnavn

Kanna um títt økisnavn er trygt her